Part 1 | البداية
السلام عليكم ورحم الله وبركاته
اشتتتتتتتتتتقققققت لكم
حيل ..
حيل .. حيل
💗
اي
تعبير .. اي وصف .. اي مشاعر اقدر اصيغها للنمط الصحي من بعد ما رجعت له
احس
روحي الصحية القديمه رجعت
حتى
حزمي وقوتي والعزم الرياضي فقدته من سبع شهور
هالتدوين قدرت
انها تسترد ذكريات حلوه وشينه بنفس الوقت لي
كنت
بشكل يومي احصل تعليق بحساب السناب والانستقرام
( متى ترجعين للنمط الصحي ؟ او سحبتي علينا )
وكانت
نيتي بالرجوع نية قويه وبنفس قويه
ما ابي
اسلك لكم او اجامل بكتاباتي القادمة
بالنمط الصحي
نهائيا .. كنت حاطه عهد بيني وبين نفسي لو برجع .. برجع الاحسن مآبي افتح مدونه
ونمط صحي
بنفس
روحي القديمه
ابي
تغير وفارق كبير بالنسبة لي .. ولكم اكيد
انا اكتب التدوينه إلان ثمان الا ربع
والتاريخ اليوم هو 23 فبراير .. 26 جمادى الاولى
مدري
ليه انا مهتمة بتفاصيل اليوم و خاصة بالمدونة الجديدة
والنمط الصحي
الجديد علي .
لدرجه
اني طلعت ملابس الرياضه القديمه وفرزت كل البروتينات بشوف عن اي مواضيع
بتكلم
عنها من قوة الحماس والله
💜
طبعا
قبل ما نبدأ عن النمط الصحي للصديقات الصحيات القويات
انا
البطلة جويس الرياضيه الحديده مثل ما
عرفتموني .. بسسسس !
بنسخه
الطف من النسخه القديمه الشريرة
احب
عمري وشبابي وحياتي حب مقدس ... ولذالك قررت ادلل نعمة صحتي اللي وهبني
الله فيها
وخلاني
مسئوله عليها بكامل العافية ..
" ألا كلكم راع وكلكم مسئول عن رعيته "
الصحة
نعمه حالها حال المال والبنون ..
فقررت
اني استغل عمري بالقوة و الصحة بإذن ربي لو استمريت
وتقدمت وحاولت
مع السنين اني اخفف على نفسي الاكل الضار والعادات السيئة ...
لان بإمكاني اصير:
* قرنبيطه واكل دهون وسكر وزيوت مهدرجه واضر عز صحتي مستقبلا بإمراض العصر
* او اصير
زهرة الصحة واحلل شبابي بالقوة و العافية والنظام الأصح لي انا
.
من وين
ابدا
هالنقطة تعتبر نوعا ما مبعثرة في البداية وتحتاج من ساعتك وقت لجل ترتبينها صح
هي خطوة
كبيره جدا بحياتك وبنفس الوقت جدا جميله لأنك اضفتيها بروتينك اليومي
يعني
البنت اللي تقول انا حابه ابدى الرياضة بس ما ادل طريق البداية
او ما
اعرف من وين ابدا بالضبط
؟
برافو
عليك هالخطوة بتكون الاولى
لأنك
اقلها فكرتي تصيرين إنسانه صحية
واكبر
اثبات انك تقرين هالتدوينه بغرض انك منجد عازمة امر الرياضه في حياتك .
ببداية خطوتك تحتاجين تلملمين نفسك ومخك بمكان لحالك واجلسي
جلسة
تكفيخ مع نفسك
هو انتي ليه قررتي تسوين رياضه ؟
وش
النية اللي ناويه توصلينها بجسمك ؟ .
سمينه
.... نحيفة .... جسمك تمام بس يبيله شد و ابراز
هنا
انتي لازم تفهمين وش تبين توصلين له بالأخير ما هو من المعقول انك
تدخلين الصحة و الرياضه بحياتك
و انتي السبب
اللي دفعك لهم مو عارفته
💪
.
.
: بعدها وثقي كل شي قبل البداية بالمشوار
الصحي يعني
- خوذي صور لجسمك قبل وبعد عشان تزيدك حماس .
- خوذي قياسات بالمتر والكيلو لجسمك .
- حملي مقاطع تمارين وبرامج تدريب وافهمي وش بتتدربين عليه وحطي يوم
الراحة ( عن قريب بكتب وبنزل برامج رياضيه كاملة ) .
- ابحثي بقوقل عن الثقافة الغذائية و الرياضيه وخوذي فأيده قد ما
تقدرين لنفسك بأي شي تجهلينه .
- جهزي وصفات اطباق صحية لذيذه وترغبينه .. و اشوفها اهم نقطه .
- شوفي لميزانيتك اذا تساعد مبدئيا انك تشترين الأدوات الرياضيه و
اذا ما قدرتي ( الجود من الموجود ) .. يعني حاولي ترقعين بالبداية وتمشين الوضع
لحد ما تشوفين نفسك جادة وحازمه بالموضوع .
- فيه خطوه اختياريه جربتها بنفسي وهي اني شهريا اروح لأسواق التغذيه
الكبيره " سوبر ماركت " مثل بنده و العثيم والدانوب والتميمي و لولو
هايبر وهو اني اشتريه اكل صحي حق اسبوع بس
هالشي يعطيني
قوه وحماس بكل بداية .
التحفيز
قوة التحفيز بتنصدمين لو قلت انه اقوى من سلاح الوزن اللي تشيلينه
لاني بالغالب
اسمع عبارات للبنات
" ان جسمنا ما يتغير ابد او وزني ثابت ما يتحرك "
" اني انا نحيفة ومستحيل اسمن "
" او جسمي ما يبيله تعديل برياضه لانه كيت وكيت وكيت "
ومن هالعبارات
اللي تجمد طاقتك وتحسسك بالإحباط
هي
بالحقيقة تخليك نفس ما انتي متوقعه و بتشوفين ان الكلام انقلب معك فعل و
حقيقة
لأنك
كلما ترددين العبارات السلبيه عنك تجذبينها براسك وتقعنين عمرك فيه
باللاوعي واللاوعي
وصرتي صدق ما تتغيرين او وزنك ثابت ما يتحرك !
لأنك
بكل بساطه برمجتي دماغك وأثرتي على نفسيتك
بكل
قناعه انك شخص ما يتغير او فيه كذا !
لحد ما
ايقنتي بكلامك ولو كان كذب
اتذكر
كلام المدربه المعتمده جوري " دعاء صالح " عن
الوعي و اللاوعي
ضربت
مثل كبير رسخ حيل ببالي أن ( الوعي ) مثل السيارة هو قادر انه يوصلنا
ويوجهنا لمكان معين .. لكن
هل ينفع
ان السيارة تمشي بدون سواق ؟
اكيد لا .. لازم
توجيهات من السايق ( اللاوعي )
واللاوعي
هو أي فكره تفكرين فيها ببالك سوءا كانت فكره سلبيه او ايجابيه يخزنها
ويجلس الوعي يطبقها على بحياتك .
( مثال انا نحيفه وما اسمن )
لا
اراديا نفسيتك بتحس بكبت و بتقتنعين بهاذي الكلمه
و بيقل
اكلك بشكل كبير لأنك عارفه مهما كليتي هالشي ما يأثر عليك .
حتى
ماهو على مستوى الرياضه
.. 💪
هو على
مستوى كل شي
بحياتك
دائما الشخص اللي مقنع عمره انه انسان سعيد
بذا
الدنيا لاحظيه مرن بكل ظروفه وسعيد حيل بأبسط الاشياء
حتى لو
جبتي له برتقاله فرح فيها وشافها اهتمام كبير بأمره .
💜
ولجل
اقنعكم اكثر بقوة التحفيز بالعبارات شوفوا للبنات اللي دائما يعايرون
و ينقدون بأنفسهم
ان حظهم
ركب .. وان حظهم شين .. وان الحظ شرق عنهم
هالفئة دائما يعطيهم ويرزقهم الله
مثل ما
يبون ونفس ما هم اقنعوا انفسهم فيه من مال ومن زواج ومن نصيب بالدنيا
لأنهم
رضوا بشغلة انهم ما يستاهلون العطايا الحلوة لهم .
دائما يحسسون
نفسهم بالنقص الشديد ومستنقصين بعمرهم حيل .
« إن الله تعالى يقول: أنا عند ظن عبدي بي؛ إن خيرا فخير، وإن شرا
فشر »
فمعاملة
رب العالمين معك انتي بالنصيب هي حسب ظنك بعطاياه .
💜
اذا
برمجتي عقلك على كلام حلو وجلستي تقنعين نفسك ان جسمك ممتاز
وفي ناس
يعانون باللي اشد منك
بتحسين
بقوة رياضه ماهي طبيعيه .
او اذا جلستي
تقولين أن النحف الهزيل اللي فيك .. او السمنه الشديده اللي تعانين منهم
هي نعمه
مب نقمه
لأنها
خلتك تتغيرين للأفضل و للأحسن بأسلوب حياة حلوه .
بكذا
حفزتي نفسك بالكلام الحلو
اللي
يعطيك طاقه قويه
لحياتك الجديدة الصحية .
💗
النهاية
الى هنا اقدر
اقول خلصت من التدوينه الاولى للنمط الصحي
تعمدت
حيل ان البداية تكون خفيفه وكلام معنوي بعيد عن الجديه العمليه
لجل اسوي تهيئة لنفسيتي
ونفسيتكم للقرار
الجديد بحياتكم
اذا صدق ودكم
تتغيرون للأفضل فهَذا شي يسعدني جداً انكم تكملون مواضيعي القادمة معي
لاني
حطيت حصص اسبوعيه للتدوين بالنمط الصحي و ابيكم
صديقات قويات
العزم تعززون لي .
لا
تنسوني بأفعال الخير وصيغة الحب بالدعاء منكم
لي بالخفاء
لاني اشوفه اكبر ثراء ممكن امتلكه بحياتي .
لاني اشوفه اكبر ثراء ممكن امتلكه بحياتي .
احبكم
Good Bay
تعليقات
إرسال تعليق